Swabian Network

Swabian Network

Posts 1-1 of 1
  • Thomas W. Frick
    Thomas W. Frick    Premium Member   Group moderator
    The company name is only visible to registered members.
    A schwäbisches Gedichtle ;-)
    Se seim Kugelfuhr äs evry Jier

    Wia d' Zeit vrgohd - dô guggschd ganz domm - weil faschd isch s'Jährle wieder
    romm. Jetzt isch se dô - dui barmherzige Zeit - d' Herza wand wärmer - je
    länger dass s' schneit.

    Äll Dag kommet Bittbriaf vo Gott und dr Welt - ma soll äbbes schbenda - am
    beschda wär Geld. ... Manchs dät jô schao helfa - bei sovial Gebiddel - bloß
    sen halt vial nagged, ond hend lääre Kiddel.

    Jô - Weihnachda schdôhd jetzt vor dr Dier - ond d'Leut sent wieder ganz
    hendradfier. Dia oine vom Shopping, wo jetzt älle drenglet - de Andre vom
    Schaffa, dass d'Aora reachd klengled.

    Weil d'Glogga fiar d'Gschäftsleut am süßeschda klenglet, wenn d'Kassa vial
    Münza ond Geldschei verschlenget. Dromm Herr - gib ons Ruhe und Frieden
    auf Ärden - ond lass voll anandernôch Weihnachda werda.

    Vial miaßed no schaffa am Hoiliga Ôbed - ond hend faschd koi Kraft mai, da
    Herra z'lobed.Dr Rubel muaß rolla, weil s'Bissness kommt z'airschd, drnôch
    gschwend en d'Kirch nei, zom Heiliga Goischd!

    An Bligg nei en d'Gribbe zom Brodagonischda - so ghairt sich's, so haldeds
    de aufreachde Grischda. Ma sengd voller Fraid mit andere Laid -"macht hoch
    die Tür, die Tor macht weit!".

    A feierlichs Gsiicht - des basst guat drzua - "schlafe mein Kindlein in ewiger
    Ruh'!" Vo weaga ewig - oin ganza Dag - ohne dean Lebdag mit deira Blag.
    Miad ond abgschafft - halba hee -, a bissle a Ruah wär dô jetzt ganz schee.

    S'wiachtigschd isch - ihr derfat rôda - d'Beschärung ond dr Weihnachtsbrôda.
    Wia isch des gmiadlich - wia sengd so schee - a Kendschor im Fernsäa "leis
    rieselt der Schnee".

    Dr Vadder am Soffa, hôdd sälig wias Kend - da Hailand samt Pabschd ond
    "Schdirb langsam" verpennd. 'S isch ned fiar älle a gleich großa Fraid -
    des Feschd mitsamt dr Besinnlichkeit.

    Zwoi Dag lang Fraid ond Frehlichkeit - mo's Bredla ond oft Hendl geit.
    Ond no - wia kends ao anders sei - verzuid er sich wieder - dr Hailigaschei.
    Knechd Rubbrecht samt Friada send wiedr fort - ond wieadr a Johr land
    geids Bschiss, Griag ond Mord!

    So isch hald, ond bleibts au, wia's emmer scho war - i wensch scheene Weihnachd ond a guads xonds nuis Jahr!!!

    Weihnachtszauber, siehe hier:

    http://www.youtube.com/watch?v=9EeXOE0_eXg
    • 24 Dec 2011, 12:44 pm