• zurück zur Stellenübersicht

W Sakskim statnym ministerstwje za kultus ma so we wobłuku Krajneho zarjada za šulu a kubłanje městno

zastupowaceho šulskeho nawody (m/ž/d)

na wotpowědnej Serbskej zakładnej šuli na njewobmjezowany čas wobsadźić.

Wuměnjenja su:

- přez Prěnje a Druhe statne pruwowanje abo wotzamknjenje jako "Master of Education” a přez Statne pruwowanje docpěta wučbna wukmanjenosć za wuwučowanje abo jim runostajene wotzamknjenje abo fachowošulske wotzamknjenje jako wučer za delni schodźeńk z wotpowědnej wučbnej wukmanjenosću (Lehrbefähigung) za němčinu, matematiku a wólbny předmjet,

- wjacelětne wuwučowanje a

- wjacolětne skutkowanje jako rjadowniska wučerka/rjadowniski wučer a

dopokazujomne wuwučowanje w předmjetomaj němčina a matematika na zakładnej šuli,

jeli předleži wučbna wukmanjenosć za wuwučowanje za druhu šulsku družinu hač za

zakładnu šulu,

- wěste wobknježenje serbskeje ertneje a pisomneje rěče.

Z lěpšinu su:

- nadpřerězne kmanosće ke koncepcionelnemu dźěłu, za organizatoriske a pedagogiske nawjedowanje kaž tež za wobhospodarjenje šule,

- wuwita kmanosć a zwólniwosć ke komunikaciji a kooperaciji,

- wobšěrne znajomosće na polomaj wuwiwanja šule a kwality wuwučowanja, wobdźělenje

na modulach fazow 1 a 2 kwalifikacije za nawjedowace wosoby,

- dalekubłanje na polu započatkarskeje wučby jeli předleži wučbna wukmanjenosć za

wuwučowanje na druhej šulskej družinje hač za zakładnu šulu.

Dźěłowe městno žada sej kreatiwne dźěłowe wašnje, kmanosć so přesadźić a organizować móc, wušiknosć při jednanjach, wysoku poćežujomnosć a fleksibelnosć.

Nazhonjenja jako zastupowacy šulski nawoda (m/ž/d) abo jako referent (m/ž/d) šulskeho dohlada abo we wobłuku Sakskeho ministerstwa za kultus so přeja.

Při spjelnjenju trěbnych wuměnjenjow je přewzaće do zastojnstwa móžne.

Hódnoćenje městna (SächsBesO/TV-L) wopisuje kónčny staw zastojnskeho wuwića, kotryž móže so přez powyšenje abo wyšestopnjowanje hakle docpěć, hdyž wuwićoprawniske a tarifowe wuměnjenja předleža.

Za nowopostajenych šulskich nawodow (m/ž/d) je wobdźělenje na kwalifikaciji za nawjedowace mocy w šulach Sakskeje - zawodna kwalifikacija za zastojnstwo (faza 3) zawjazowace.

Pisomne požadanja maja so hač do wotpowědneho kónca požadanskeho časa po słužbnym puću na za wobsadźenje městna přisłušne stejišćo Krajneho zarjada za šulu a kubłanje zapodać.

Požadanja, kotrež po kóncu požadanskeho časa dóńdu, so we procesu wuzwolenja njewobkedźbuja.

Požadanju maja so přidać:

1. formular za požadanje (Formblatt "Bewerbung; hlej pod:

http://www.schule.sachsen.de/622.htm?id=181)

2. tabelariski žiwjenjoběh

3. dospołne předstajenje wosobinskeho a powołanskeho wuwića

4. wopodstatnjenja za dalekubłanja na polu wjednistwa (tak daloko kaž předleža).

Sakske statne ministerstwo za kultus ma zaměr spěchowanja žonow. Z tuteje přičiny smy wosebje na požadanjach kwalifikowanych žonow zajimowani.Zbrašeni a jim runjostajene požadarki a požadarjo wobkedźbuja so při samsnej kmanosći a samsnym wukmanjenju prěnjorjadnje. Zbrašene a jim runjostajene wosoby so tohodla wurjadnje namołwjeja, so požadać. Požadanskim podłožkam maja so wotpowědne dokłady přidać.

Prosy so wo to, zo přistajeni Swobodneho kraja Sakska swoje přizwolenje k dohladej do swójskeje personalneje akty podaja.

Prawniske informacije ke škitej datow nastupajo wobchada z požadanskimi datami předleža na našej internetowej stronje pod https://www.smk.sachsen.de/bewerberdaten.